今天和幾位朋友約了去灣仔聚舊，路過位於皇后大道東同石水渠街交界的一間美式酒吧，見到做緊個超級抵的Happy hour promotion, 遂入去試吓。
這間酒吧環境舒適，行古舊美國風路線，入到去就好像去了80年代美國鄉鎮酒吧一般，牆上掛住大牛頭骨，狩獵羊頭雕塑，古典白磁磚牆，周圍掛滿懷舊裝飾，尤其吧枱後的一列木酒櫃更是經典，夠哂eye-catching，加上四周都充斥著外國朋友，滿有外國氣息。
而Happy hour時段由5點至7點，5點敲鐘開始，頭20分鐘指定啤酒，紅白酒，House spirits全部$1杯，之後每20分鐘會敲一次鐘價格增加一倍，即$1變$2，$2變$4，如此類推，直至7點為止，最後那round order都只不過是$32/杯，確是超值！當然酒水質素方面不要期望過高，都只是一般House beer與House wine，但勝在環境舒服，三五之己閒談聚舊，以此價格又夫復何求呢？
除了暢飲，當然少不了一些佐酒小食啦！我們叫了一客BBQ Ribs同Margherita Pizza。
BBQ Ribs一客切開約有6條骨，用上自家醬汁醃料香燒，令每條骨充斥香濃醬汁，辟除膻味；豬肋骨不會燒得太燶卻異常焦香惹味，肉汁豐盈，滑嫩可口，食到我們連手指都啜乾淨。
Margherita Pizza乃Pizza之中最basic，但亦是最能食出pizza原始味道同最考廚師功架的一款選擇，因當中配料只有薄餅蕃茄醬、水牛芝士同羅勒，味道單純，餅底嘅厚薄、烘焙同鬆軟程度會直接影響口感。而此處的餅底做成一塊長身薄薄的餅皮那般，未去到thin crust程度，但咬落都crispy脆卜卜，配埋蕃茄醬同水牛芝士，口味討好，水準之作。
今天發現到這個好去處，相信之後將會成為我們朋友間Happy hour的一個新蒲點了。
原文連結: 灣仔$1蚊雞 Happy Hour
更多資訊，盡在: 古家私房菜
Facebook: https://www.facebook.com/myplayground2015
沒有留言:
發佈留言